رساله حب : تسأولات من غير اجابات ؟

ليه الناس بتتغير؟

ليه المشاعر بتتحجر؟
ليه الحياه بقت شئ عادى كل يوم بتتكرر؟
ليه كل انسان فى حاله؟
وكل واحد همه يزود ماله
مش عارفه ماله الزمن ايه جراله؟
فين الحب
راح فين القلب؟
فين الاخوات
بالفعل تعجز الكلمات
ليه البال على طول مشغول
اكيد كل واحد فينا مسئول
راح فين الاخلاص
راح فين الاحساس
فين اقرب الناس
ما عدتش فيه ما خلاص
الالم كل يوم بيزيد
والامل مشواره بعيد
بصراحه دموعى سبقتنى
الدنيا دى فعلا غلبتنى
بس مش زنب الدنيا ولا الايام
ذنب الناس اللى عايشين عمرهم فى اوهام
وياريتهم حيخدوا حاجه من الايام
دى دنيا ملهاش امان
وياريتهم يتعلموا قبل فوات الاوان